Magnetic Man er samvinnuverkefni dubstep stjarnanna Skream, Benga og Artwork og hefur verkefni þetta verið titlað fyrsta ofurgrúppa dubstep heimsins. Þeir félagar hafa þekkst í tæpan áratug en hófu fyrir nokkrum árum saman tónsmíðar undir Magnetic Man nafninu. Féll tónlistin í góðan jarðveg og eftir handfylli af útgáfum skrifuðu þremenningarnir undir samning við Columbia útgáfurisann. Í næsta mánuði er svo afrakstur samstarfsins væntanlegur í verslanir en fyrsta breiðskífa þeirra, "Magnetic Man", kemur út þann 11. október næstkomandi.
Fyrr í sumar sendi Magnetic Man frá sér smáskífuna "I Need Air" sem gerði góða hluti á breska vinsældarlistanum og önnur smáskífan "Perfect Stranger" þar sem söngkonan Katy B ljáir Magnetic Man rödd sína er væntanleg á næstu dögum. Breiðskífunni verður svo fylgt úr hlaði með umfangsmiklu tónleikaferðalagi en mikið ku vera lagt í umgjörð og útlit tónlistarflutning Magnetic Man.
- Hlekkir
- Magnetic Man
- Magnetic Man á Facebook
0 hefur röflað
Þú þarft að vera innskráður til að geta röflað!