Plötuútgáfa Kode9, Hyperdub, á fimm ára starfsafmæli í haust og verður þeim tímamótum fagnað með veglegum afmælispakka. Útgáfan hefur á undanförnum árum stimplað sig inn sem einhver sú mest spennandi í bransanum og hefur gefið út nöfn frá mörgum af stærstu nöfnum dubstep heimsins þ.a.m. Kode9 & Spaceape, Burial, Joker og Zomby.
Afmælisskífan hefur hlotið nafnið ‘5 Years of Low End Contagion’, mun hún koma út á tvöföldum geisladisk og mun annar diskurinn innihalda áður útgefið efni en spánýjir tónar verða á hinum. Auk þess munu koma út fimm tólf tommur með lögum sem einnig verða á geisladisksútgáfunni.
Meðal þeirra sem koma við sögu á þessari skífu má nefna Kode9, Flying Lotus, Joker & Ginz, Zomby, Martyn, Mala og Cooly G en gripurinn er væntanlegur í verslanir í október. Á næstu misserum er svo von á frekari útgáfum frá Hyperdub, meðal annars breiðskífum frá Kode9, Burial og Quarta 330.
1 hefur röflað
.1:53 PM Aug 6th from web
Af hyperdub twitter
Þú þarft að vera innskráður til að geta röflað!