Útvarpskonan geðþekka Mary Anne Hobbs hefur sett saman sína þriðju safnskífu fyrir Planet Mu útgáfu Mike Paradinas og hefur skífan hlotið nafnið "Wild Angels". Mary Anne hefur með útvarpsþætti sínum á BBC Radio 1 kynnt tónlistaráhugafólki fyrir ógrynnunum öllum af merkilegri tónlist og tónlistarfólki og hefur hún áður staðið fyrir skífunum "Warrior Dubz" og "Evangeline". Líkt og í útvarpsþætti og plötusnúðasettum Mary Anne verður tónlistin á tilranakenndum dubstep og hip hop nótum og koma ófáar stórstjörnur við sögu á skífunni.
Meðal þeirra sem eiga lag á skífu þessari má nefna Hudson Mohawke, Untold, Mark Pritchard, Rustie og Starkey. "Wild Angels" kemur út á tvölföldum vínyl og á geisladisk í byrjun september.
Hlekkur
0 hefur röflað
Þú þarft að vera innskráður til að geta röflað!